خالد عجاج يكشف موقف إنساني تعرض له بسبب القطط

تحدث الفنان خالد عجاج، عن موقف إنساني تعرض له بسبب القطط، مطالبا بالرحمة بالحيوانات.

وقال خالد عجاج، في فيديو عبر حسابه الشخصيي على موقع التواصل الإجتماعي فيسبوك وعلق قائلا: أخدت شقة صغيرة فيها جنينة وكنت من أوائل الناس اللي جات سكنت في المكان ده، ولقيت قطة جعانة وحطيت لها أكل، ومكنتش بهتم بالقطط أوي، وفجأة لقيت القطة دي بتيجي في نفس الميعاد والموضوع تطور وبقوا اتنين وتلات قطط وبدأت أراعيهم لحد ما كتروا أوي.

خالد عجاج والقطط

وتابع: تواصلت مع الدكتور بطرس صديقي، عشان يساعدني أعمل إيه، لاني اتعرفت في القرية اني بأكل القطط، وكنت ببيت اتنين منهم أو تلاتة في بيتي ومقدرش أعمل أكتر من كدة ، وعملت اللي أقدر عليه عشان يعيشوا في سلام.

واستكمل: عملت تعقيم لبعض القطط وشاهد على الكلام الدكتور كرولس، وبعالج وأطعم اللي أقدر عليه، ولقيت حد في نفس القرية ساكن في الدور الأرضي زي حالاتي وبيشتكي من القطط دي وأنها عاملاله مشكلة، على الرغم من أن القطط دي مانعة الفئران لأنها بتخاف منها.

وأوضح خالد عجاج: فيه قطتين بيبقوا عندي في البيت وبيخرجوا في الجنينة شوية ويرجعوا، وفي يوم ما خرجت واحدة منهم والمهندس المسئول بعدم رحمة وانسانية خد قرار وكلم حد وجه لم القطط دي بوحشية وعدم إنسانية وخدوهم ومعرفش ودوهم فين؟.

وتابع عجاج: روحت الإدارة عشان أعرف مكان القطط، وردوا عليا أنهم حطوهم في مكان كويس، وأبلغتهم بالذهاب للمكان لأخذ قططي التي كانت تعيش في البيت، وباقي القطط ووضعهم في مكان مخصص لهم عن طريقي، ولم يستجب أحد لي.

وأضاف: انا حزين وزعلان على عدم الرحمة دي، وربنا لم يخلق الدنيا من أجل البني آدمين فقط، ولكن من أجل الإنسان والحيوان والنبات وكل مخلوقاته، وديننا الاسلامي والدين المسيحي والدين اليهودي بيحس على الرحمة.