داليدا خليل تعلق لأول مرة على محاولة الاعتداء عليها: اتعذبت وعانيت وقتها

أثارت الفنانة اللبنانية داليدا خليل ضجة واسعة وجدلًا كبيرًا، بسبب موقف صعب تعرضت له ومحاولة الاعتداء عليها.

قالت داليدا خليل عبر تصريحات تلفزيونية: «تعرضت لمحاولة اعتداء وتعرضت لأسوأ ناس مروا في حياتي ولو كان عندي الجرأة أني أتكلم وقتها أحسن بكتير من دلوقتي».

وتابعت حديثها بنصيحة، قائلة: «بقول لكل بنت إحنا في عصر السوشيال ميديا كل بنت بتمر بفترات صعبة تطلع تحكي ومتخافش أحسن بكتير من التركيز على حاجات ملهاش لازمة مين بيلبس أحلى».

واستكملت: «الحمدلله كانت محاولة اعتداء، وقتها مرضت وزعلت ومكنتش متوقعة أن الأشخاص اللي بتوثقي فيهم تخذلك، الشخص كان من أصدقاء العائلة واللي حصل مسحته من حياتي».

واختتمت داليدا خليل: «لكن وقتها اتعذبت وعانيت وخبيت وتعبت مكنتش متوقعة الموقف الصعب لكن مر وبقيت أقوى وبقيت أشوف الناس بطريقة تانية ومش بخاف إن أحكي لكن أنا حاليًا متزوجة وعندي عائلة ومش حابه أحكي في موضوع ياخد من طاقتي الإيجابية، مش لازم أحكي عنه لأنه مش هيفيد لكن ممكن أقول رسالة توعية لكل بنت تنتبه ومتخافش وتقول بصوت عالي أنا أقدر أشتكيك وأحبسك مفيش داعي للخوف».