دنيا سمير غانم تكشف مفاجأة عن ابنتها كايلا وموقفها من تقديم الفوازير

كشفت الفنانة دنيا سمير غانم مواهب ابنتها كايلا، وتحدثت عن سبب ابتعادها عن الفن لفترات طويلة وموقفها من الفوازير.

قالت دنيا سمير غانم عبر تصريحات تلفزيونية: «كايلا بتحب الفن، وهي حضرت مع بابي ومامي شوية وكمان بتحب التمثيل والغنا، واخدة مننا كلنا».

تصريحات دنيا سمير غانم عن ابنتها كايلا

وتابعت: «ساعات تبقى شبه مامي أو بابي وساعات تبقى شبه رامي وممكن إيمي، هي ميكس كده، بحب فيديوهاتها على تيك توك، وهي هنا شبه إيمي جدًا أنا مليش في الحتة دي».

وفيما يخص موقفها من تقديم الفوازير، علقت دنيا سمير غانم قائلة: «الفوازير من التحديات الكبيرة جدًا، ومن بعد فيلم طير إنت الناس كلها بتقول لي لازم تعملي الفوازير، بفكر فيها بس خايفة أوي علشان مش سهلة، وعلشان أعمل حاجة لأجيال دلوقتي لازم أجهز لها كويس أوي ولازم يبقى فيها ناس كتير بروفيشنال علشان كلنا نشيل بعض».

أعمال دنيا سمير غانم الجديدة

وقالت عن التعاون مع شقيقتها إيمي سمير غانم: «أنا وإيمي نفسنا جدًا نشتغل مع بعض، ومتحمسين جدًا نعمل حاجة، ده أكتر سؤال بيسأله الجمهور».

واختتمت دنيا سمير غانم: «أحب لو عملت أكشن تاني أبقى مع إيمي، لأنها هتضحكني ضحك غير طبيعي في التصوير، وكواليسها في التصوير رهيبة، وبتتعامل عادي كإننا في البيت».