رسالة مؤثرة من عمر كمال للمطرب محمود الليثي: كنت بلف وراه اتعلم منه

حرص المغني عمر كمال على توجيه رسالة خاصة للمطرب محمود الليثي مشيرًا إلى أنه تعلم منه كثيرًا.

عمر كمال للمطرب محمود الليثي

كتب عمر كمال عبر حسابه بموقع فيسبوك: 'لما كنت صغير كنت بسمعه و كنت بلف وراه أتعلم غنا منه .. ولما كبرت شوية وبدأت أشتغل كنت بغنى أغانيه وباكل بيها عيش وبتقرب للجمهور بشغله'.

وتابع: 'ولما ربنا كرمنى وفتحها عليا من وسع وقفنى جمبه وغنيت معاه وربنا جعل وشه حلو ليا .. أنا بحب محمود الليثى جدا عشان كان معايا ف معظم مراحل حياتى .. ٢٠ سنة محمود الليثى حاجة أساسية ف يومى .. ربنا يخليك ليا وميحرمنيش من وجودك ف حياتى'.

تصريحات عمر كمال

كشف المطرب الشعبي عمر كمال أسرار من حياته الشخصية لأول مرة، وعلاقاته العاطفية.

قال عمر كمال عبر تصريحات تلفزيونية: «فيه بنات كتير بتحاول تتقرب ليا ومنهم بنات ارتبط بيهم وسيبتهم لأنهم كانوا استغلاليين».

واستكمل: «ارتبطت ببنت وكنت هتجوزها عملت حادثة وخبطت عربية شخص وقتها كنت بمشي بـ 40 ألف جنيه في جيبي».

وأضاف عمر كمال قائلًا: «وإديتهم للراجل وقلت له هصلحلك عربيتك على حسابي لكن أنا في العادي بمشي بـ 2000 جنيه والفيزا، وبفك الفلوس خمسينات علشان البقشيش».

عمر كمال

أسرة عمر كمال

وقال عن أسرته: «أنا طالع من بيت ديني أمي منتقبة ووالدي شيخ، وساعات بكدب على أمي أما بقولها إني مطلعها عمرة تقولي لا مش هطلع من فلوسك».

واختتم عمر كمال حديثه عن والدته قائلًا: «فأقولها ده واحد صاحبي عنده شركة سياحة مطلعك ببلاش هدية، علشان توافق تسافر».