رودينا دخلت المستشفى بألم في ضرسها وماتت بسبب جرعة بنج.. الأم تكشف تفاصيل مؤلمة

روت "إيمان"، والدة الطفلة رودينا البالغة من العمر ثلاث سنوات، تفاصيل الساعات الأخيرة والمؤلمة في حياة ابنتها، التي دخلت مستشفى خاصاً في كفر الشيخ لعلاج أسنانها، لتخرج منه محمولة في كفن.

وقالت الأم خلال استضافتها في برنامج "تفاصيل" مع الإعلامية نهال طايل على قناة صدى البلد2: "لو كنت أعرف إن فيها خطورة 1% ما كنتش دخلتها.. بنتي كانت زي الفل، كل اللي كان عندها إمساك طبيعي زي كل الأطفال، وأسنانها مسوسة، والدكتور قال بنج كلي عشان مش هتقعد".

واسترجعت الأم آخر كلمات ابنتها قبل دخولها غرفة العمليات قائلة: "كانت صايمة من بالليل، وقبل ما تدخل كانت عطشانة وبتقولي 'عصير يا ماما، أشرب يا ماما'.. قلتلها لما تطلعي.. والله ما شربت.. بنتي ماتت عطشانة".

وأضافت بحرقة: "قبل العملية بيوم، راحت عند جدتها ولبست فستان فرح واتصورت بيه، وجابت بوكيه ورد، كأنها كانت بتتصور صورة موتها".

وصفت الأم لحظات الانتظار القاتلة خارج غرفة العمليات، والتي امتدت من الساعة الواحدة والنصف ظهراً حتى الثالثة وعشر دقائق، حين شعرت بوجود أمر مريب: "لقيتهم طالعين نازلين، والممرضة اللي خرجت وشها أصفر ومصدومة، سألتها، قالتلي معرفش، بعدها لقيت أعمامها بيصرخوا.. دخلت عليها لقيت وشها أزرق وشفايفها زرقا، بستها من خدودها.. مفيهاش روح".

واختتمت الأم حديثها المنهار بمناشدة باكية: "يارب يقعد قعدتي دي كل من أهمل في حق بنتي.. بنتي راحت مني عشان إهمال.. أنا مش عايزة حقها، هي اللي عايزة حقها عشان تبرد نارنا دي".