زوجة مصطفى زيكو: الفيديو الخاص بي ليس له علاقة بوالدته نهائيًا

علقت وفاء مصطفى، زوجة نجم منتخب مصر مصطفى زيكو، على الجدل الدائر حولها، بعد تصريحاتها الأخيرة المنسوبة لها.

وعبر خاصية «الستوري» بحسابها الرسمي بموقع التواصل الاجتماعي «فيسبوك»، كتبت وفاء: «اولاً أنا مش مضطره اطلع ابرر اي حاجه من دي علشان فعلا ربنا الي يعلم ب نيه كل الناس بس بجد الناس اخدت الفيديو بتاعي بطريقه وحشه جدا وأنه ع مامت زيكو وان أنا كدا بضايقها».

وتابعت زوجة مصطفى زيكو: «ومن ساعتها نازلين فيا شتيمه وأنا أصلا معملتش اي حاجه والله».

وأضافت: «دا كان فيديو عادي مش اكتر من ضحك وهزار بيني أنا وجوزي واصلا مكنتش شوفت حلقه مامته لسه ولا عرفت اي حاجه أنا نزلته هزار علشان الكومنتات بتاعت البنات الي بتجيلي وأنهم بيحبوه ومعجبين بيه وكانت صيغه هزار والله بس مش اكتر».

وواصلت زوجة زيكو: «ثانيا هي زي امي والي أنا مش هقبله ع امي مش هقبله عليها أصلا وانا بالنسبه لي الراجل الي مش بيتقي ربنا ف امه عمره م هيتقي ربنا ف مراته ولا ف أولاده لأني مقتنعه ان مفيش أغلى من الام ف الدنيا وانا كمان ام وعيزاه اقول انها عمرها م تتقارن ب حد حتى لو أنا هي ليها مكانتها الخاصه وانا ليا مكانتي».