سارة نخلة تنصح حلا شيحة بالذهاب لطبيب نفسي

علقت الفنانة سارة نخلة، على عودة الفنانة حلا شيحة إلى الفن عقب إعلان اعتزالها منذ فترة، وشنها هجومًا كبيرًا على الفنان تامر حسني بسبب بعض المشاهد التي جمعتهما في فيلمها الأخير مش أنا، وارتدائها الحجاب.

سارة نخلة تتحدث عن حلا شيحة

قالت سارة نخلة في تصريحات تلفزيونية: 'الناس مش عايزين حلا شيحة ترجع عشان فقدت مصداقيتها، السيناريست هيخاف يجي يديكي سيناريو تقوليله تاني يوم لا خلاص انا اتحجبت'.

وتابعت: 'أنا كان عندي مشاكل نفسية ولجأت لدكتور لعلاج نفسي وده مش عيب واحنا في المجتمعات العربية عشان مش متقبلين دة بنقول عليه لايف كوتش ولكن ده علم، بنصح حلا شيحة أنها تروح لدكتور نفسي، حلا محتاجة تقعد مع نفسها سنة أو سنتين تلاتة على الاقل وتفكر هي عايزة ايه'.

الناقدة ماجدة خيرالله تتحدث عن حلا شيحة

تحدثت الناقدة ماجدة خير الله عن الفنانة حلا شيحة عقب إثارتها الجدل الفترة الماضية حول رغبتها في العودة للتمثيل مجددًا.

قالت الناقدة ماجدة خيرالله في تصريحات تلفزيونية: 'أنا رأيي أن غيابها أو وجودها لا يترك أثرًا، احنا بندي قيمة كبيرة جدًا بالحديث عن وجودها أو اختفائها، هي فنانة محدودة الموهبة وفي عشرات من الممثلين والموهوبين محتاجين لفرص'.

وأضافت ماجدة خيرالله حديثها، وقالت: 'احنا بنضيع وقت مع حد مش مهتم بالفن والمهنة بالعكس يسيء إليها ويخلي الناس تعتقد أن أي حد يقدر يدخل في المهنة ويطلع في الوقت اللي هو عايزة، والحاجات اللي اشتركت فيها حلا شيحة نجاحها ينسب للأبطال معها'.

وتابعت: 'اشتغلت مع عادل إمام وشريف منير في عريس من جهة أمنية، وحتى اللمبي مع محمد سعد وعبلة كامل حظها كانت بتشتغل مع ناس هما شايلين العمل وهي كانت مجرد بنت لطيفة شكلها حلو، خلاص الكلام دا من 15 سنة، في بنات طلعوا وحلوين وسنهم مناسب'.