سارة وفيق لـ تامر حسني بعد مساندته في وفاة والدتها: اللي عملته عمره ما هيتنسي

وجهت المخرجة سارة وفيق رسالة للفنان تامر حسني، بعد مساندته لها في وفاة والدتها.

كتبت سارة وفيق في منشور عبر خاصية الستوري التابعة لحسابها الرسمي بموقع انستجرام: «ولادي وجوزي وإخواتي وأصدقائي المقربين وكل عيلتي وأهلي الغاليين متشكرة جدًا على وقوفكم جنبي وتعبكم معايا لحد اللحظه دي ولسه مشاركني حزني ووجعي».

رسالة سارة وفيق لـ تامر حسني

وتابعت: «ربنا ميحرمنيش منكم أبدًا.. في حياتنا بيعدي ناس كتير بس قليل قوي اللي بيبانوا في الشدة قبل الفرح، عاوزة أقول كلمة في حق أخ سندني من غير ما أطلب في أصعب لحظة في عمري وقت ما فقدت أمي وقلبي بينزف من الحزن لقيت سند وضهر حقيقي».

واستكملت سارة وفيق مخرجة فيلم ريستارت: «الأخ اللي مخلفتهوش أمي لكن ربنا خلاه جنبي وماسابنيش وقت الوجع اللي ميتوصفش شكرًا على اللي عملته معايا اللي عمره ما هيتنسي، ولا هيتوصف بكلمات.. أخويا الغالي تامر حسني».

رد تامر حسني على سارة وفيق

ومن جانبه، رد الفنان تامر حسني على رسالة سارة وفيق، عبر خاصية الستوري التابعة لحسابه الرسمي بموقع انستجرام، قائلًا: «أختي الغالية أهلك أهلي، ربنا يصبرك وينصرك ويحققلك كل أحلامك».

واختتم: «ومبروك نجاح فيلمك رقم اسثنائي يا سارة افرحي بيه وافرحي أن فيلمك من 3 أيام.. دخل ضمن الـ 10 أفلام الأعلى إيرادًا في تاريخ السينما المصرية وفي 4 أسابيع فقط ولسه مكمل يارب كل يوم في ازدياد وهتوصلي لسه لأبعد من كدة عشان قلبك جميل وإنسانة مجتهدة».