سالي عبدالسلام: الصلاة عندي رقم واحد وبكلم ربنا 5 مرات

تحدثت الإعلامية سالي عبدالسلام عن علاقتها بالصلاة، مؤكدة عن حديثها المستمر مع الله.

قالت سالي عبدالسلام عبر تصريحات إذاعية: «الصلاة عندي رقم واحد وبكلم ربنا 5 مرات وأروح أقوله وأشتكيله شوفت يارب عملوا فيا إيه».

وتابعت: «وبيبعتلي مسدجات وعلى طول سورة البقرة شغالة في البيت بلاقي رسايل بتجيلي عن طريقها».

وكانت قد حثت الإعلامية سالي عبدالسلام متابعيها وجمهورها، على أهمية الصلاة في فيديو جديد.

قالت سالي عبدالسلام في فيديو نشرته على حسابها الرسمي بموقع فيس بوك: «من 12 الظهر لـ 5 العصر وأنا محافظة على وضوئي صليت الظهر والعصر أذن عليا في العربية فهصلي فيها».

وتابعت: «المهم مفيش حاجة توقفني عن صلاتي.. هتقولوا حاطة ميك اب عادي.. خناقة كل مرة المهم إني مفوتش صلاتي».

وكتبت سالي عبدالسلام في تعليقها على الفيديو: «المهم أنك تصلي وبس.. هييجى حد يقولك بس بطل كذا أو أعمل كذا أو الأول شوف كذا.. الصلاة أول حاجة وهى عماد الدين وأغلط وتوب وأمسك في مكالمة ربنا 5 مكالمات أنت من غيرهم ولا حاجة».

واختتمت: «عايز رزقك يزيد.. صلي.. عايز بركة في حياتك.. صلي».