سعد الصغير يرد على اتهامات شمس بالخطف: ابتزتني بفيديوهات وعشت معاها في الحرام

أثار الفنان سعد الصغير ضجة واسعة وجدلًا كبيرًا بسبب رده على اتهامات الراقصة شمس له، بوجود علاقة سابقة بينهما وخطفه لها وتسببه في إجهاضها.

قال سعد الصغير في بث مباشر على حسابه الرسمي بموقع فيس بوك: «الست دي عايزة تبتزني فقط لا غير بسبب الفلوس، من 2009 عملت لي نفس القضية، ولكن الحمدلله اتحفظت وقتها».

وتابع: «وبعدين بالعقل كدة لو خطفتها هي وأخواتها و3، محدش منهم هيطلع يقول إني فعلا خطفته، ولو بتقول اتخطفت ووديتها عند الدكتور تسقط في الشهر السابع متعرفش مكان عيادته وطريقه علشان تروح تبلغ، طب مخطفهاش ليه في الشهر السادس ولا الرابع».

واستكمل سعد الصغير: «مكنتش تقدر تتكلم أو تبلغ علشان كانت بتاخد فلوس، وابتديت أعقل وأبقى حد كويس لما خطفت بنت من دار أيتام وكتبتها باسمها هي وابن خالتها، وخدوا البنت وهربانين على دبي».

واختتم: «ومن 2025 ولحد من شهر بتبعتلي، اه أنا قبل 2009 عشت معاها في الحرام وقالتلي جوزني نفسك، طيب فين القسيمة اللي بيني وبينها، أقسم بالله ما كان فيه شهود ولا محامي، وصورتني فيديوهات وكنت خايف على ولادي وسمعتي وكانت بتاخد فلوس وصحابها شاهدين وعايزاني أسافرلها عشان أتدبس في البنت اللي خطفاها».