«سمعتها لعمرو دياب في لحظة ضعف».. خالد تاج الدين يكشف قصة أغنية لطيفة سجلها الهضبة

كشف الشاعر خالد تاج الدين تفاصيل أغنية كانت في البداية للفنانة لطيفة، وسجلها الفنان عمرو دياب ولكن لم يطرحها في ألبومه، لتطرحها الفنانة.

كتب خالد تاج الدين في منشور عبر حسابه الشخصي بموقع فيس بوك: «كلام مهم لا يقلل من صديقي عمرو دياب ولا من صديقتي لطيفة: اللي حصل أن صديقي الملحن تامر علي عمل تيمة وسمعها للطيفة فلطيفة طلبت إني أكتبها.. كتبتها وسميتها "عاجبني" ولطيفة سميتها "حلي حلي" وبصراحة حليت في عيني بعد ماكتبتها».

وتابع: «وكنت فاتح واتس اب ومكالمات كل يوم مع عمرو دياب فسمعتهاله في لحظة ضعف.. عجبته جدًا وبعد يومين قال لي خلصتها خلاص وعادل حقي وزعها وكلمني سمعني التوزيع كمان.. و في الآخر عرفت أن أغانيا اتشالت والغنوة مش موجودة».

واستكمل خالد تاج الدين: «وطبعًا ده ذنب لطيفة اللي ماكنتش تعرف كل الفيلم ده ولو كانت عرفت أكيد ماكنتش نزلت الأغنية.. والحمدلله الغنوة نزلت إمبارح بس ومميزة ولحن تامر علي علامة وكنا مفتقدينه الصيف ده.. وصوت لطيفة طبعًا ظهر جمال الأغنية واتشرفنا إننا اشتغلنا معاها».

واختتم: «وفي الآخر البوست ده علشان الناس اللي سألتني فين أغاني عمرو بعد كل جلسات العمل دي.. عمرو دياب هيفضل حبييي وأخويا مهما اختلفنا في الشغل سوا.. والسلام عليكم ورحمة الله وبركاته».