سمية الخشاب بعد ظهور نتائج الثانوية العامة: مش نهاية العالم

وجهت الفنانة سمية الخشاب رسالة لطلاب الثانوية العامة، بعد ظهور النتائج مساء أمس الاثنين 5 أغسطس 2024.

وكتبت سمية الخشاب في رسالتها لطلاب الثانوية العامة، عبر تغريدة بحسابها الرسمي بموقع إكس (تويتر سابقًا): «مبروك يا حبايبي النجاح وربنا يفرحكم».

رسالة سمية الخشاب لطلاب الثانوية العامة

وتابعت: «واللي منجحش السنة تتعوض السنة الجاية ركزوا وهتنجحوا وهفضل أقولكم مش نهاية العالم إنك ماتوفقتش السنة دي إنتوا لسه صغيرين وقدامكم المستقبل أهم حاجة التركيز بحبكم أوي».

وكتبت سمية الخشاب في تغريدة أخرى: «روقوا وانبسطوا محدش واخد منها حاجة هتنجحوا وتتخرجوا وهتلاقوا نفسكم بتشتغلوا في مجال تاني خالص ملوش علاقة بشهادتكم عشان كده بقولكم متزعلوش على أي حاجة وربنا يوفقكوا».

الفنانة سمية الخشاب

نصائح سمية الخشاب لطلاب الثانوية العامة

وكانت قد أثارت الفنانة سمية الخشاب الجدل بسبب نصائحها لطلاب الثانوية العامة، عبر حسابها الرسمي بموقع إكس (تويتر سابقًا).

كتبت سمية الخشاب في تغريدة عبر حسابها الرسمي: «التعليم مبيحددش لا مصير ولا نيلة، بتعرف تجيب فلوس هتعرف تتجوز وتسافر مبتعرفش يبقي الشهادة هتقرطسها وتحط فيها طعمية».

وتابعت في منشور آخر، قائلة: «اللي في ثانوية عامة اليومين دول، الشاطر اللي بيجيب فلوس».

وكتبت سمية الخشاب أيضًا في نصائحها لطلاب الثانوية العامة: «إحنا في زمن اللي يجيب فلوس يكسب اللي يتعلم.. يا حبايبي الجو حر ملخصات إيه إسقطوا وخلاص».

الفنانة سمية الخشاب

سمية الخشاب