«سوء صياغة».. خالد الصاوي يحسم حقيقة خضوعه لعملية جراحية عاجلة

حسم الفنان خالد الصاوي حقيقة خضوعه لعملية جراحية عاجلة، وطمأن الجمهور على حالته الصحية.

ظهر خالد الصاوي في فيديو نشره على حسابه الرسمي بموقع فيس بوك، وقال: «كان سوء صياغة وما حدث الجراحة كانت في شهر أكتوبر اللي فات من حوالي سنة تقريبًا».

وتابع: «صحتي زي الفل الحمدلله وبتمرن كل يوم وواخد بالي من الفيتامينات وبنام بدري ومتقلقوش عليا».

وفي وقت سابق، كان قد كشف الفنان خالد الصاوي أسرار من حياته الشخصية والمهنية وأصعب فترات حياته، وسر تفكيره في الموت.

قال خالد الصاوي عبر تصريحات تلفزيونية: «العام الماضي زي دلوقتي كنت في اسوأ حالاتي، سواء صحيًا أو نفسيًا، وعملت وقفة مع النفس عشان أعدي المحنة دي».

وأضاف: «وصلت لمرحلة إني بسأل نفسي هموت إمتى؟ ومكنش عندي حاجة حاببها عشان أعيش عشانها، واللي ضايقني أكتر ردود فعل الناس على شكلي في السوشيال ميديا، وكانت محبطة جدًا بالنسبة لي».

واستكمل خالد الصاوي: «وأنا صغير كان عندي غرور جدًا في حياتي الشخصية، وده انعكس عليا في أدائي المهني والغرور بوّظ لي حياتي كلها، وتعلّمت إني أستغنى عن الملذات، وأواجه الغلطات في حياتي بصراحة، وأصلّح المشاكل عشان أعرف أبدأ من جديد، وأهم شيء هو السعي والإخلاص عشان أعدي أزمتي، تاريخ ميلادي الصحيح هو 25 نوفمبر 1963، وبحمد ربنا إنه وفقني في مختلف مراحل حياتي ونجّاني».