شريف الدسوقي عن فترة بتر قدمه: «حسيت بالضعف»

كشف الفنان شريف الدسوقي تفاصيل أصعب فترة عاشها، بعد بتر قدمه وتركيب طرف صناعي.

قال شريف الدسوقي عبر تصريحات تلفزيونية: «حسيت بالضعف وفترة العلاج الطبيعي كانت صعبة، الفكرة هصاحب جهاز الطرف الصناعي إزاي ويبقى جزء مني، دي أصعب فترة لحد فقد رجله وهيستخدم طرف».

وتابع: «وفيها اختبار لقدرتك هتقدر تتجاوز الحكاية دي ولا استسلم وأقول مش هينفع اتعامل واتحرك بالعكاز والكرسي المتحرك».

واستكمل شريف الدسوقي: «قعدت الجهاز قدامي بذاكره وأحفظه وأصحابه وأشوف خامته إيه وأحطه على رجلي وأسيبه لغاية ما وصلت أن في ثانية أقلع الطرف وأركبه وأمشي واتنطط وألعب كرة به».

واختتم: «أنا بمشي لوحدي عادي وأروح مشاويري عادي لوحدي، وأنا عمري 57 سنة مواليد 27 نوفمبر 1967 وعندي طموح ومش هيخلص إلا وأنا في آخر نفس».