شيكابالا: مفيش لاعب كرة مضغوط.. إحنا بنضحك على الناس بالكلام ده

تحدث محمود عبد الرازق "شيكابالا"، نجم الزمالك السابق، عن مفهوم الضغط في كرة القدم، مؤكدًا أن لاعب الكرة لا يواجه نفس الضغوط التي يعيشها بعض أفراد المجتمع في حياتهم اليومية.

وقال شيكابالا خلال تصريحات إذاعية: "محدش يقولي لاعب الكرة مضغوط، الراجل اللي بيطلع من بيته الفجر عشان يأكل عياله هو البطل الحقيقي".

وأضاف نجم الزمالك السابق: "اللي عليه ديون ومش عارف يسددها، واللي في رقبته عيال مستنيينه يرجع عشان يوفر لهم الأكل، ده هو اللي مضغوط بجد".

وتابع: "إنت كلاعب كرة بتعمل حاجة بتحبها وبتاخد عليها فلوس كتير، مفيش لاعب كرة مضغوط.. إحنا بنضحك على الناس بالكلام ده".

وأوضح شيكابالا أن الضغوط الحقيقية تختلف عن الضغوط التي يتحدث عنها لاعبو كرة القدم، مشددًا على أن من يكافح يوميًا من أجل توفير احتياجات أسرته هو صاحب المعاناة الأكبر.

واختتم تصريحاته بالتأكيد على ضرورة تقدير الأشخاص الذين يتحملون أعباء الحياة من أجل أسرهم، معتبرًا أنهم أصحاب البطولة الحقيقية.