صاحب واقعة 5 جنيهات كيس الشيبسي.. «هايدي فاجأتني ومش بطلب من حد حاجة»

تحدث الحاج جمال سلامة، المقيم بالقناطر الخيرية شارع 14، لأول مرة بعد انتشار واقعة هايدي وكيس الشيبسي، موضحًا ظروفه الشخصية التي يعيشها يوميًا.

حياة بسيطة ومعاناة صامتة

قال الحاج جمال، البالغ من العمر 74 عامًا، إنه يجلس أول الشارع ويعاني من ضعف السمع، ولديه ثلاث أولاد وبنتان نادرًا ما يسألون عنه، مضيفًا: 'مش نفسي غير ربنا يديني الصحة وأعرف آكل وأشرب'.

وأضاف: 'أنا منفصل وأعيش في بيت العيلة بالقناطر الخيرية. لما الدنيا تضيق عليا بنزل أتمشى في الشارع، دا علشان لو حد يساعدني'.

هايدي ومبادرة الـ5 جنيه

وأشار الحاج جمال إلى أن ما حدث كان مبادرة من الطفلة هايدي، قائلاً: 'أنا، هايدي هي اللي جت لي وأدتني الـ5 جنيه'. مؤكداً أنه لا يطلب من أحد أي شيء، وأن من يراه فقط هو من يقدم له المساعدة طواعية.

روى جمال تفاصيل الواقعة: 'كنت ماشي في الشارع ولقيت البنت أدتني 5 جنيه من غير ما أطلب. أنا بمشي في الشارع ومش بطلب من حد حاجة، وربنا هو العاطي'.

هايدي: الصدقة برضا القلب

وخطف مقطع فيديو قصير لطفلة مصرية تُدعى هايدي، المعروفة بـ'صغيرة كيس الشيبسي'، أنظار رواد مواقع التواصل الاجتماعي، بعدما قدمت آخر ما تملكه من نقود لمساعدة رجل بسيط في الشارع، بدل شراء كيس شيبسي لنفسها.

وقالت هايدي: 'كان معايا 5 جنيه وكنت رايحة اشتري كيس شيبسي، لكن لما شفت الراجل الغلبان صعب عليا، اديته الفلوس. صاحب السوبر ماركت نده عليا وقال لي تعالي خدي كيس تاني، لكن قولت له شكرا، كان نفسي أديله أكتر'.