صبحي خليل يروي لحظات الألم مع مرض ابنته: السرطان موت وخراب ديار

كشف الفنان صبحي خليل عن تفاصيل صعبة عاشها في بداية رحلة علاج ابنته "داليا" من مرض السرطان، مؤكدًا أن التجربة كانت مؤلمة وقاسية على المستوى الإنساني والأبوي.

وقال صبحي خليل في تصريحات تلفزيونية: "الناس بتتخض لما تسمع إن حد عنده سرطان، فما بالك ببنتي الكبيرة، اللي شافت معايا كل حاجة. الوجع مضاعف لأنك أب ومش في إيدك حاجة غير الدعاء".

وأضاف: "لو ماكنتش متمسك بربنا كنت استقبلت الموضوع بشكل أصعب، لكن الحمد لله رضيت، وده اللي خلّى ربنا يسهّل لها حاجات كتير رغم إن المرض ده اسمه موت وخراب ديار، لأنه محتاج مصاريف علاج ضخمة".

وعن كيفية تدبير تكاليف العلاج، قال: "لجأت لأصدقاء كتير وبعت شقة كنت بامتلكها في إسكندرية، لأن أول 12 جلسة علاج كانت مكلفة جدًا. لكن الحمد لله وصلت نسبة الشفاء لـ85 أو 90%، والدكتور قال لازم عملية زرع نخاع".

وتابع: "حاولنا نسافر فرنسا، وبعد محاولات كتير ربنا كرّمنا وسافرت هناك وعملت زرع نخاع، وأختها سافرت معاها والحمد لله عدت على خير".

يُذكر أن صبحي خليل شارك في موسم رمضان 2024 بمسلسل "المداح – أسطورة العودة"، إلى جانب حمادة هلال وفتحي عبدالوهاب وهبة مجدي ودنيا عبد العزيز وغيرهم، والعمل من تأليف أمين جمال ووليد أبو المجد وشريف يسري، وإخراج أحمد سمير فرج، ويُعرض عبر قناة mbc مصر.