طارق لطفي: «فرصة أخيرة» تحدي جديد ونجاحي في رمضان الماضي خلاني اتأخرت السنة دي

تحدث الفنان طارق لطفي عن كواليس مشاركته في مسلسل فرصة أخيرة، الذي ينافس به في النصف الثاني من دراما رمضان 2026.

قال طارق لطفي عبر تصريحات إذاعية: «كنت متوقع نجاح مسلسل فرصة أخيرة، من أول ما قرأت السيناريو، وده اللي خلاني أقبله، لأنه تحدي جديد، والدور كان معقد شوية فقولت أكيد هعرف أطلع منه حاجة ويعجب الناس».

تصريحات طارق لطفي

وتابع: «الناس كانوا أكثر كرمًا في الإشادة بالمسلسل بشكل فاق توقعاتنا، وده بان في كم الكتابات والمتابعات اللي شوفناها، والنقاد اللي اتكلموا عن العمل».

واستكمل طارق لطفي: «أنا مبعملش الشرير كشر مطلق، ولكن بعمله كبني آدم عاش إزاي، وواجه إيه في تاريخه، ومن هنا بنشوف البني آدم ودوافعه، مش مسألة شرير وخلاص، لأنه في الأول وفي الآخر إنسان».

تصريحات طارق لطفي عن محمود حميدة

واختتم: «نجاحي في رمضان الماضي خلاني اتأخرت السنة دي وقعدت أفكر، إيه العمل اللي أنا هعمله، بس لما قريت الشخصية في مسلسل فرصة أخيرة حبيتها جدًا ومحمود حميدة من الممثلين اللي لسه بيجتهد لحد النهاردة رغم كل تاريخه ونجوميته، مش بيعتمد على اسمه وخلاص، وهو بالنسبة لي نجم في حتة تانية، وسعيد بالعمل معاه».