طلعها لحد يوم العيد.. الإفتاء توضح مقدار زكاة الفطر بالجنيه وموعد خروجها

أعلنت دار الإفتاء المصرية تفاصيل قيمة زكاة الفطر 2024 بطريقة يفهمها العامة، وذلك من خلال حساب القيمة ومقدار الزكاة بالجنيه المصري.

قيمة زكاة الفطر 2024

وعلقت دار الإفتاء المصرية على الصفحة الرسمية لها على موقع فيسبوك، حيث أعربت عن رأيها في القمح كنوع من الأنواع المشمولة في زكاة الفطر، والتي ذكرها سيدنا رسول الله صلى الله عليه وآله وسلم، كما أشارت إلى أن القمح يعتبر غذاءًا أساسيًا للمصريين، حيث يستخدم في إعداد الخبز، الذي يعتبر وجبة أساسية، ويستخدم أيضًا في العديد من الأطعمة الأخرى.

وتابعت دار الإفتاء: «طيب سعر أردب القمح كام السنة دي ألفين جنيه مصري من أفضل الأنواع، وأردب القمح فيه 150 كيلو يبقى سعر الكيلو كام 13.33 ثلاثة عشر جنيه وثلاثة وثلاثون قرشًا تقريبًا، طيب والزكاة أد ايه في القمح ( 2.٠4 كيلو)، يبقى نضرب 2.٠4 كيلو * 13.33 ، يطلع الناتج 27.19 جنيه مصري».

الحد الأدنى لزكاة الفطر 2024

وأضاف بيان دار الإفتاء أن 35 جنيها زيادة عن الحد الأدنى و35 جنيها الحد الأدنى (يعني طلع أكتر من 35 جنيه لو معاك ودخلك يسمح لك)، منوهة: اللى مش هيقدر فأقل حاجه يطلعها عن الفرد 35 جنيه، واللي شايف إن 35 جنيه قليل مش هتعمل حاجه يبقى تطلع ما ترضاه نفسك وتحس إنه له قيمه لكن لا تقل عن 35 جنيه ولا تلزم غيرك يطلع زيك لأن ممكن يكون غير قادر.

واختتمت دار الإفتاء: كمان تقدر تطلعها فلوس لا تشتر بها شيء؛ لأن بعض الناس مفكره إن ناخد الفلوس نشتري بها أرز مثلا

لأ طلعها فلوس وربنا يتقبل منك، وكمان يجوز إخراجها من أول رمضان لحد قبل صلاة العيد، ولو ما عرفتش فلا مانع إنك تطلعها يوم العيد لحد غروب الشمس ودا على مذهب الشافعية ومن وافقهم.