طه الويتر يعلن انتهاء أزمته: اشتغلت مدير في مطعم شهير والفضل بعد ربنا لنهال طايل

زف طه، الويتر الذي تعرض للفصل من عمله بسبب تفاعله مع أغاني الفنان تامر عاشور خلال أحد حفلات الفنان بمقر عمله السابق، خبرا سعيدا لجمهوره، مؤكدا أن مشكلته انتهت بعد ظهوره في برنامج «تفاصيل» مع الإعلامية نهال طايل، وأنه حصل على فرصة عمل جديدة كمدير في أحد المطاعم الشهيرة.

وقال طه، خلال مداخلة هاتفية مع الإعلامية نهال طايل ببرنامج «تفاصيل»، المذاع على قناة صدى البلد 2: «الفضل لربنا ثم لحضرتك وللحلقة اللي استضفتيني فيها، والشغل اللي أنا فيه دلوقتي».

وأضاف: «صاحب الشغل قال لي: أنا شوفت الحلقة مع الأستاذة نهال، ولما روحت أقدم كابتن أوردر، ربنا كرمني وخلاني مدير قاعة هو أخد عني انطباع كويس بعد الحلقة، وسألني أسئلة كتير، وقال لي: هتقدر تقدم إيه؟ فقلت له: أنا عندي أجندة».

وتابع طه: «ده عوض ربنا، أنا عشت معاناه لمدة شهر كنت بتقطع من جوايا، وربنا كرمني وعرفت إن دي كانت منحة مش محنة، والحمد لله على كل اللي فات».

وأكد أنه لم يستسلم رغم الأزمة التي مر بها، قائلا: «أنا ما استسلمتش، وبشكر كل اللي وقفوا جنبي بعد ربنا، والحمد لله ربنا مديني كل حاجة، وعلى نياتكم ترزقون».

واختتم حديثه موجهًا الشكر للإعلامية نهال طايل وبرنامج «تفاصيل»، قائلا: «حضرتك والبرنامج كان ليكم الفضل عليا بعد ربنا، وشكرا جدا».