عايدة رياض: اتخطبت لمحرم فؤاد عشان أغيظ حبي الأول ومع العشرة اتصدمت

تحدثت الفنانة عايدة رياض عن زوجها السابق محرم فؤاد وكيف كانت فترة خطوبتهما وكواليس تعديه عليها بالضرب.

عايدة رياض تتحدث عن محرم فؤاد

قالت عايدة رياض في تصريحات تلفزيونية: 'كنت بعمل عرض في مسرح عبد الوهاب في الإسكندرية، وجاء محرم فؤاد وعمر خورشيد وطلبوا في الاستراحة من مدير المسرح مقابلتي، ومحرم قالي يا عايدة أنا عاوزك تقدميني فى حفلة بكرة في المسرح هنا، وثاني يوم عمر خورشيد طلب مني أقدمه، لكن محرم طلب مني عدم تقديم عمر خورشيد، وعرفت من مدير المسرح إنه معجب بيا جدًا، وعزمني أنا وزميلتي في سان جيوفاني'.

واستكملت عايدة رياض حديثها، وقالت: 'أنا نزلت بعدها مصر و لم أكمل العرض، و هو كل يوم يروح المسرح يسأل عليا، وبعدها بأسبوع كنت بعمل عرض فى مسرح البالون ولقيت تليفون منه وطلب يعزمني على الغداء، ولم أتخيل إنه معجب بيا وعاوز يتزوجني، إزاى ده محرم فؤاد يعني، وطلبت منه مهلة علشان أكلم بابا آخد رأيه'.

خطوبة عايدة رياض ومحرم فؤاد

وكشفت عايدة رياض كواليس خطوبتها من محرم فؤاد وقالت: 'عملت خطوبة علشان أغيظ حبي الأول، وبعد كده حبيت محرم جدًا وكان فرق السن بيني وبينه 20 سنة، واستمر الزواج 13 سنة ولم أنجب منه'.

وتابعت الحديث، وقالت: 'هو فنان عظيم ورجل مصري جدع، لكن مع العشرة اتصدمت في بعض الأشياء ولم أشعر معه بالأمان، ولما تزوجنا قعدت فى البيت، وكان غيور وخايف عليا'.

عايدة رياض ومحرم فؤاد

محرم فؤاد يضرب عايدة رياض

وعن تعرضها للضرب على يرد محرم فؤاد، قالت عايدة رياض: 'أخذت علقة سخنة منه أثناء الخطوبة في لندن، بسبب إن الولد اللي كنت بحبه بعت حد من أصحابه ليا في لندن لأنه كان داخل الجيش ومش ممكن يسافر، وبعت خطاب على السفارة في لندن بصفته أخويا، وجالي تليفون من صديق بيطلب مني أرجع تاني له، ومحرم سمع المكالمة وكان في حالة جنون وضربني أمام صديقه اللبناني'.

عايدة رياض ومحرم فؤاد

حرصت الفنانة عايدة رياض على تصحيح معلومة مغلوطة مع الجمهور بأن حبسها لم يكن بسبب قضية مخلة بالآداب ولكن بسبب أموال مزورة.

وقالت عايدة، في تصريحات تليفزيونية: «لما جه البوليس البيت قابلوا محرم فؤاد، وأخبروه بالقبض على فتاة وبحوزتها 100 دولار مزيفة، وبسؤالها قالن انها وخداها من مدام عايدة رياض، ولما وصلنا القسم جات مكالمة لمحرم من زوجة مخرج».

وتابعت رياض في تصريحاتها: «كان نفسي الناس تتحقق قبل ما يظلموني، ويرجعوا لمديرية الأمن ويعرفوا أنا كنت فين، والقصة كلها كانت متلفقة لي من الأول».

وأوضحت عايدة رياض: «أنا مكنتش حاسة بالدنيا وقتها وكنت كأن قطر خدني، ودي حاجة مش سهلة، وأنا مبقتش مستطعمة أقول إني مظلومة».

وتابعت: «محرم فؤاد اتخانق مع الضابط عشاني وده اللي أخرنا وقتها في المديرية، ووقف ترافع عني أمام القاضي في المحكمة».

عايدة رياض وصلاح فايز

وأضافت عايدة: «أستاذ صلاح فايز عمل أغنية عن قصتي اللي اتعرضتلها وسماها ظالمة ليه يا دنيا وكان صديق شخصي لينا أنا ومحرم».