مصطفى بكري: الرئيس السيسي قلبه مع الناس ويستحق وسام الصبر والصمود

علق الإعلامي مصطفى بكري على الحملات الممنهجة التي تطول الدكتور مصطفى مدبولي رئيس الوزراء وتشكك في نزاهته قائلا: أنا شخصيا بقول كفاية على الدكتور مصطفى مدبولي كدا الراجل بيتعرض لحملات ممنهجة.. ربنا يكرمه ويروح موقع آخر وكتر خيره على كدا.

وتابع مصطفى بكري خلال برنامج حقائق وأسرار على قناة صدى البلد: الدكتور مدبولي أنا مختلف معاه كتير جدا لكنه على مدى سنوات طويلة اشتغل وماحدش يقدر يقول أنه فسد، ما ينفعش نقول مصطلحات تهين.. لو عاوز تعترض اعترض باحترام.. ومحتاجين من الحكومة تفضل تراعي مصالح الناس ولا تنكد على الناس وعاوزين قوانين تستر الناس، .

وأضاف مصطفى بكري: الرئيس السيسي قلبه مع الناس وبيطلع يشكر الناس ويستحق وسام الصبر والصمود.

واستكمل بكري قائلا: الناس تعبت في الكهرباء والمعاشات وغيره وغيره.. إحنا مش طرف معادي إحنا بنتكلم عن مصلحة الناس، عاوزين نشوف حل لأساتذة الجامعات، كيف لأستاذ جامعي قضى طول عمره في التعليم يأخذ 13 / 15 ألف جنيه في الشهر.

واختتم مصطفى بكري: الأزمات لو مش بتدار بحكمة سياسية من الرئيس السيسي كنا هنبقى زي العالم التاني، وفيه ناس بتتهرب من الضرائب وعندها مليارات.