عروس المعصرة: شوفت الموت على ايد خطيبي.. وهددني بتركيب صورة عارية.. فيديو

قالت شهد أحمد ضحية التعدي من خطيبها بالمعصرة، إن خطيبها تعدى عليها في دقائق تشبه دقائق الموت، معلقة: أنا عايزة حقي، عمري مكنت اتصور إن حد بيحبني وأكل معايا في طبق واحد يبقى عايز يقتلني.

وأضافت ضحية التعدي من خطيبها بالمعصرة، خلال مداخلة هاتفية مع الإعلامية نهال طايل ببرنامج تفاصيل المذاع على قناة صدى البلد 2، أن المتهم بالتعدي عليها هددها أكثر من مرة، ولكنها كانت تظن كلامه مجرد حديث بلا فعل، معلقة: أنا عمري مأذيته هو ليه أذاني .. والله العظيم أنا شغاله في مطعم بقبض 2500 جنيه عشان اتعلم واتجوز، وجايبه أغلبية جهازي بالقسط.

وأوضحت: هو مجابليش جهاز، هو كان ناقصه كل حاجة ومجبش أي حاجة، هو كان شغال سواق نقل في مطروح، أنا مكنتش باخد منه فلوس.. ولو أنا باخد منه حاجة ليه أروح الشغل.. بروح الشغل الساعة 3 وأرجع الساعة 11.

وأضافت شهد أحمد: آخر مرة كان عندي في العيد وكان بيكلم إنه عايز يحدد الفرح، وأنا أقوله لازم تجيب الحاجة الأول والجهاز، هو مكنش عايز يجيب حاجة وفي الفترة الأخيرة كان بيعمل مشاكل كتير معايا.. وكان بيقولي هحط صورك على صور فتايات عارية.

وذكرت: حماتي كنت بعتبرها زي أمي، وكنت اشتكيلها من ابنها وهي تقولي أنتي بتعصبيه وكانت ديما تغلطني أنا، وكان بيعرف بنات ويبعتلهم صور مش كويسة.

https://www.youtube.com/watch?v=noJZM7P52w