عصام السقا ينعى ضحايا حادث ملوي ويوجه نداء لمحافظ المنيا

عبّر الفنان عصام السقا عن حزنه العميق وصدمته الكبيرة جراء الحادث المأساوي الذي وقع على طريق الصحراوي الغربي بالقرب من ملوي بمحافظة المنيا، والذي راح ضحيته عدد من الأطفال الأبرياء.

وحرص عصام السقا من خلال صفحاته عبر مواقع التواصل الاجتماعي، على مواساة أسر الضحايا قائلاً: “خالص التعازي لأهالي الأطفال اللي فقدناهم في الحادث اللي حصل على الطريق الصحراوي الغربي بملوي… اللي حصل مش حادثة وبس، دي مصيبة نزلت على قلوبنا نار.”

وواصل عصام السقا، حديثه بنبرة حزينة، قائلاً: “يا رب اجعلهم شفعاء لأهاليهم، وطيّب على قلوب أمهاتهم وآبائهم، وارحمهم برحمتك اللي وسعت كل شيء. إحنا فقدنا أرواح بريئة في غمضة عين، لكن إحنا كمان محتاجين نقف ونقول كفاية.”

نداء لمحافظ المنيا

وفي رسالة مباشرة إلى السيد محافظ المنيا، ثمّن عصام السقا الجهود الكبيرة التي تُبذل حاليًا لمحاربة السيارات غير الصالحة للاستخدام الآدمي، قائلًا:“إحنا شايفين ومقدرين حجم المجهود الكبير اللي حضرتك بتقوم بيه في حملات وقف العربيات غير الآمنة، ودي خطوة عمرنا ما شوفناها قبل كده بالشكل ده في المنيا، لكن الطريق اللي حصلت عليه المصيبة مش أول مرة يشهد كارثة، ومش طريق فرعي ده شريان حياة.”

الطريق يحتاج تدخّل فوري

وشدد السقا على أهمية تطوير هذا الطريق الحيوي، الذي يمثل محورًا رئيسيًا في حركة التنقل داخل وخارج محافظة المنيا:

“الطريق محتاج توسعة ضرورية، لازم يبقى على الأقل حارتين، ومحتاج إضاءة تحمي الناس قبل ما نضطر ننعي حد تاني. الناس ماشية عليه كل يوم، ودمهم مش رخيص.”

وفي ختام كلمته، طالب عصام السقا الجهات المعنية بالتحرك الفوري لتفادي تكرار هذه المآسي، مؤكدًا أن أرواح المواطنين، وخاصة الأطفال، لا تحتمل التأجيل أو الإهمال.