قال محمد سراج الدين، عضو مجلس إدارة النادي الأهلي إن هناك فيروس يحاول إحداث فتنة بين أكبر جمهورين في مصر.
وتابع سراج الدين عبر صفحته الشخصية بموقع التواصل الاجتماعي «فيس بوك»: « يوجد فيروس عجوز موجود من زمان في قطاع الرياضة في مصر وفي فيروس تاني عيل لسه مستجد من الخارج».
وأضاف سراج الدين : «الفيروسات دي بتنشر فتن وقرف ومشاكل طول الوقت في الرياضة وبين الناس وبين بعض وبين أكبر جمهورين في مصر».
وأكد عضو مجلس إدارة النادي الأهلي أنه لا يرضى بإحداث أي نوع من أنواع الفتنة بين جمهور أكبر ناديين بأي شكل من الأشكال، متابعا : «احنا في النهاية ولاد بلد واحدة نختلف اه نهزر مع بعض اه لكن تطاول وأذى ده منبوذ ومرفوض بالنسبالي من الجانبيين».
واستطرد قائلا : «المشكلة ان الفيروسات دي مختلفة عن الكورونا في حاجة وهي أن لها علاج بس العلاج لازم يجي من الدولة ويكون جذري الدولة اللي انا بحترمها وبقدرها عشان محدش يزايد عليا أنا ابن مؤتمر الشباب ودايماً بكون فخور بده وظهوري الأول هناك في ٢٠١٦ وعرضي لأفكاري كان دفعة ونقلة ليا في أمور تانية كتير مؤتمر شباب مصر اللي كله طموح وتفاؤل وفكر ونقاء مش أجواء عشوائية وفتن وبلطجة تعوق الواحد عن أهدافه وطموحه الحقيقي لرفعة بلده وناديه المفضل اتمني يكون في مستمع لأن فاض الكيل…اللهم بلغت اللهم فاشهد».
الأهلي يبلغ وليد أزارو بعدم العودة لصفوف الفريق عقب انتهاء إعارته
صالح جمعة يترقب موقف فايلر مع الأهلي لحسم قرار رحيله عن النادي
