علا رامي: الناس فرقت بيني وبين أبو الليف.. واتعرضت للخيانة

تحدثت الفنانة علا رامي عن علاقتها بطليقها الفنان نادر أبو الليف، وكشفت سبب انفصالها عنه بعد قصة حبهما الكبيرة.

علا رامي تتحدث عن أبو الليف

قالت علا رامي في تصريحات تلفزيونية: 'الناس فرقت ما بينا، عشان شايفنا اننا مش شبه بعض، الناس كانت بتقول احنا بنحبك لوحدك وبنحب ابو الليف لوحده، مش السوشيال ميديا هي اللي اتحكمت إذا كنا نكمل ولا لأ.. احنا سيبنا بعض عشان في تراكمات كتير حاجات بسيطة على حاجات بسيطة فبقت مشكله كبيرة، فقولنا كل واحد يروح لحاله احسن.

وتابعت علا رامي حديثها، وقالت: 'بنسأل على بعض لغايه دلوقتي وبنتكلم، وباركتله على جوازه وأطفاله، وربنا يوفقه في حياته، مقدرناش نستمر مع بعض لظروف كتير'.

واستكملت علا رامي حديثها، وقالت: 'بدي فرصة واتنين وتلاتة وعشرة، لغاية ما خلاص وبقلب الترابيزه وبكون استنفذت كل وسائل الصلح، وكان ظاهر قدام الناس إني بغير عليه، ولكن الحقيقة مكنتش كده، هو كان لسه صاعد وعنده حفلات، وفي الاخر ربنا يوفقه'.

علا غانم تكشف كواليس تعرضها للخيانة

كما كشفت علا رامي، كواليس تعرضها للخيانة على يد أحد أزواجها، وذلك بسبب تدخل آحدى السيدات والتي كانت تريد أن تكون في علاقة مع زوجها.

وقالت علا رامي: 'أيوه اتخانت، وواحدة كلمته وهو متجوزني وقالها أنا متجوز قالت لأ هاجي واعملك مشاكل ويعني ايه تتجوز وتسبني'.

وأضافت: 'انسحبت بكل هدوء ومش بدخل في معارك .. حسيت ان ده موقف مش حلو، ويعني ايه يسمحلها تيجي بيتي'.