علا رامي: دخلت التمثيل صدفة من خلال فيلم السمان والخريف

كشفت الفنانة علا رامي، كيفية دخولها التمثيل بالصدفة بفيلم السمان والخريف، مؤكدة أن السن عامل أساسي في شغل التمثيل.

علا رامي وبداية مشوارها الفني

وقالت علا رامي، خلال لقائها مع الإعلامية مايا الشربيني ببرنامج ساعة زمن المذاع على قناة صدى البلد: «لما كنت في بداية مشواري الفني كنت منتشرة وبشتغل أي حاجة بتجيلي وكنت بتعلم أقف قدام الكاميرا كتير وأخذ خبرات من زملاء سبقوني في الفن، وبدأت بعد 20 سنة تمثيل، أنتقي الأعمال ومشتغلش كتير وكنت بشتغل أكتر في المسرح الذي يعد جمهوره محدودا، بعكس التليفزيون، وده خلى الناس شايفاني مقلة في أعمالي وأني بقدم عمل في السنة لأني طوال السنة بشتغل مسرح».

وتابعت علا رامي: «طبيعة الأدوار اتغيرت مع كبر السن، ودلوقتي ممكن أطلع أم أو جدة في عمل فني ومقدرش أطلع في دور طالبة، وأنا في الحقيقة جدة دلوقتي».

وأوضحت علا : «رحلتي من الباليه للتمثيل، كانت نقلة لي، وكنت بعمل دور بالينيلة في مسلسل أو فيلم ودي كانت بداية أني أجمع بين الاتنين، وكنت بمثل عشان أنا بالينيلة واستعراضية».

علا رامي وصدفة التمثيل

وأضافت: «كان عندي 4 سنين وفي زيارة مع والدتي لصاحبتها في الاستوديو والمخرج كان بيدور على بنت في السن ده بفيلم السمان والخريف عشان تقوم بدور بنت نادية لطفي ومحمود مرسي وشافني مع ماما وخدني وجري بيا واتعرفت عليه وسألني شوية حاجات فقالي انتي اللي هتعملي الدور ده، وعملت الفيلم ده مع حسام الدين مصطفى، والموضوع كان صدفة».

علا رامي