علا رشدي تكشف سر دعم والدها لها.. وتضع شرط للتعاون فنيا مع أحمد داوود

تحدثت الفنانة علا رشدي عن موقفها من تقديم عمل مع زوجها الفنان أحمد داوود، وعلاقتها بوالدها.

قالت علا رشدي عبر تصريحات تلفزيونية، إن والدها كان من أكبر الداعمين لها، معلقة: «كان من معجبيني وبيشجعني في مشاريعي حتى برا الفن، وأنا صغيرة في 3 ابتدائي وبدأت أمثل على المسرح، قلت له أنا عايزة أعمل ده».

وعن ذكريات الطفولة، علقت قائلة: «كان بيصورني في جنينة جنب البيت وأنا بعمل مشاهد، وكان أكتر واحد مشجع ليا».

وفيما يخص موقفها من العمل مع زوجها الفنان أحمد داوود، قالت: «جالنا أنا وأحمد أعمال كتير مع بعض بس أحب لما يتعمل يكون إحنا الاتنين جاهزين».

واختتمت: «مش هطلع أعمل معاه حاجة غير لما يكون فيها أحسن ما عنده وأنا أكون أحسن ما عندي ومكتوب صح ومع مخرج شاطر وإنتاج جامد».