علي الحجار بعد أزمة مشروعه الجديد: «أتمنى ألا نصل للقضاء»

أكد المطرب علي الحجار، أنه لم يعلم تفاصيل مشروع الاساتذة الذي تم اسناده للمطرب مدحت صالح إلا بعد اعلانه في مؤتمر صحفي، موضحا: خالد داغر قالي ده مشروعنا كلنا.. قلت له لا يا خالد ده مشروعي وحلمي مش مشروعنا كلنا.

علي الحجار وأزمة مشروعه

وتابع علي الحجار في صريحات تليفزيونية: حلمي كان الدولة تنفذ المشروع لان مش هينفع قطاع خاص مش هيقدر ينفذه، كنت أتمنى مدحت صالح يتواصل معي قبل الاعلان عن مشروع الاساتذة، وما حدث ليس توارد أفكار بنفس أفكاري وكلامي، معبرا عن أمنيته ألا يصل الموضوع للقضاء.

واستكمل: الصياغة لهذه الأزمة أن حقي يرجع لي ويطلعوا يقولوا ده مشروعي ولو مدحت صالح أو خالد داغر عرفني انه هيعمل حاجة زي كده كنت هكلمه واقوله أنت عارف أن ده مشروعي.

وأوضح الحجار: فنيا معرفتش أدير موهبتي بطريقة الذكاء الاجتماعي وعرفت أن مدير الأعمال يا إما يكون مؤسسة أو حد عنده خبرة بمجالي ومؤمن به أكثر مني.

وتابع، أنه اختار الطريق الصعب في المجال الفني، مؤكدا أنه اختار طريق مختلف في الغناء رغم اختلاف السوق: في عز الدنيا ما كانت ماشية في اتجاه كنت في اتجاه تاني.

علي الحجار والأفراح

وأضاف: عندي أغاني أفراح موجودة حتى الان، وأنا مش ضد الغناء الايقاعي وغنيت في أفراح كتير وإلى الان بيجي لى أفراح ولكن من الناس اللي بتفهم في الفن.