علي السبع: أهلي منفصلين زي شخصية مروان في مسلسل أثينا.. وأصعب مشاهدي بالحلقة 15

تحدث الفنان علي السبع عن التشابه بين شخصيته الحقيقية ودور 'مروان' الذي قدمه في مسلسل أثينا، مؤكدًا أن هناك نقاط مشتركة بينهما، لكنه حرص على إبراز الفروق أيضًا.

وقال علي السبع خلال لقاء خاص في برنامج Out Box، المذاع عبر سوشيال قناة صدى البلد: 'الشبه بيني وبين مروان إن أهلي مطلقين برضه، زي تلت تربع الناس، ووالدتي عايشة برة، بس الفرق إنها مش محجوزة في مستشفى زي والدة مروان'.

وأضاف أنه استعان بمشاعره الحقيقية أثناء تجسيد الدور، قائلاً: 'كنت بستخدم مشاعري في الدور بإني أفتكر حاجات حصلت لي في حياتي الحقيقية، عشان أقدر أبين ده في شخصية مروان'.

وعن أصعب مشهد قدمه في المسلسل، قال: 'المشهد الأصعب بالنسبة لي كان في الحلقة الـ 15، والناس لما هتشوفه هتفهم ليه أنا مكنتش قادر أستحمله، لأنه مشهد تقيل جدًا'.