علي السبع: مسلسل أثينا كشف لي عالم الذكاء الاصطناعي المرعب

كشف الفنان علي السبع عن تفاصيل تجربته في مسلسل 'أثينا' والدور الذي قدمه، مؤكدًا أن العمل أتاح له التعرف على عالم الذكاء الاصطناعي بشكل أعمق مما كان يتوقع.

وتحدث علي السبع خلال لقاء خاص في برنامج Out Box، المذاع عبر سوشيال قناة صدى البلد عن انطباعاته حول المسلسل والدور الذي لعبه، قائلًا: 'مسلسل أثينا مش بس عن الدارك ويب زي ما كنت متخيل، لكنه داخل أكتر في الذكاء الاصطناعي، وأنا مكنتش عارف إنه ممكن يكون بالعمق ده'.

وتابع: 'أنا مش شخص تكنولوجي خالص، يادوب معايا التليفون واللابتوب، لكن مش بفهم في التكنولوجيا أوي ولما قريت القصة اكتشفت إن الموضوع مرعب جدًا، وإن في تكنولوجيا بتعلم نفسها كأنها بني آدم، وعشان كده، أنا بحب أمشي بالورقة والقلم، أحسن وأمان أكتر'.

أما عن الشخصية التي جسدها، فقال علي السبع: 'مروان عايش تحت سحابة سودا على طول، ولو قابلته في الحقيقة، أنصحه يشوف الدنيا بشكل أوسع، لأنها بتحلى أكتر من كده، وما ينفعش يفضل عايش في الضلمة طول الوقت'.