عمرو مصطفى بعد إصابته بالسرطان: الخلافات بتتنسي وعمرو دياب لو عايز كل اللي غنيته ياخده

خرج الفنان والملحن عمرو مصطفى عن صمته، وكشف تطورات حالته الصحية بعد إصابته بالسرطان وخضوعه لعملية جراحية.

وحرص عمرو مصطفى على توجيه الشكر لكل من دعمه ودعا له، في أزمته الصحية.

وقال عبر تصريحات تلفزيونية: "أنا الحمدلله زي الفل، وبشكر الناس اللي كتبت لي الكلام الجميل، فرق معايا كتير".

وفيما يخص عودته للعمل بشكل سريع بعد خضوعه لجراحة لاستئصال الورم، علق عمرو مصطفى قائلًا: "كنت ملتزم بمواعيد رمضان، ولذلك عملت على تسليم أغاني مسلسل عايشة الدور لدنيا سمير غانم بعد العملية الجراحية، أصبحت بحالة جيدة ونزلت الشغل حاليًا".

وعلق على رسالة دعم الفنان عمرو دياب له رغم سنوات من الخلاف، قائلًا: "أخويا وحبيبي أنا بحبه، وكل الخلافات بتتنسي ولا الهواء ولو عايز كل اللي أنا غنيته ياخده".

واختتم عمرو مصطفى: "أشكر أبو ناصر وأحمد العوضي ومي فاروق وكل من كتب لي رسالة، وتامر حسني كان معي من أول يوم، ماسبنيش لكن مكنتش عايز أشيّل حد همي، وأنا راجع بقوة وهلحن للناس كلها حتى عمرو دياب أخويا".