عمرو يطرح أغنيته الجديدة «متسألوش» تعرف على كلماتها.. فيديو

طرح الفنان عمرو مصطفى أحدث أعماله الغنائية، بعنوان «متسألوش»، عبر قناته الرسمية على يوتيوب.

أغنية «متسألوش»، من كلمات ربيع السيوفي، وألحان عمرو مصطفى، وتوزيع جابور.

كلمات أغنية ما تسالوش:

ماتسألوش

حبيته ليه

وازاى كده

وانا معرفوش

ماتسألوش..

خد قلبى منى

بنظرتين

بقيت مابانسهوش

حبيته ومش هاممنى

اللى عاتب واللى لام

ازاى هاوصف لغيرى

حب اكبر من الكلام

ده كفاية اللى جرالى..

من الجمال اللى فى عينيه

مالقيتش حاجة نفسى فيها..

مش موجودة فيه

جمال عجيب

علقنى بيه

عن بالى ليه

مابقاش يغيب

اجمل حبيب

ولا غلطة فيه

زى الملاك

اه، ماهو ده الغريب

حبيته ومش هاممنى..

اللى عاتب واللى لام

ازاى هاوصف لغيرى

حب اكبر من الكلام

ده كفاية اللى جرالى

من الجمال اللى فى عينيه

مالقيتش حاجة نفسى فيها

مش موجودة فيه

اه يا ليلى

شد روحى بنظرة منه

خدنى من اللى عرفته عنه

عملة نادرة وبالدليل

اه يا عينى

ده اللى عشت اتمنى أقابله

ده اللى غير عمرى حبه

وإنى اسيبه ده مستحيل

حبيته ومش هاممنى

اللى عاتب واللى لام

ازاى هاوصف لغيرى

حب اكبر من الكلام

ده كفاية اللى جرالى

من الجمال اللى فى عينيه

مالقيتش حاجة نفسى فيها

مش موجودة فيه