عمرو يوسف يكشف مفاجأة عن مصطفى غريب: مدرسة في اللغة العربية

تحدث الفنان عمرو يوسف عن علاقته بالفنان مصطفى غريب، وذلك عقب تعاونهما في فيلم درويش.

قال عمرو يوسف عبر تصريحات تلفزيونية: «مصطفى غريب عسل قدام الكاميرا وورا الكاميرا، حنفية إيفيهات لازم تقفلها وتختار الوقت اللي تقفلها فيه محتاج يغير جلدة».

تصريحات عمرو يوسف عن مصطفى غريب

وتابع: «ومن أطيب الناس اللي قابلتهم في حياتي، وأقول لك حاجة محدش في الدنيا يعرفها، بداية معرفتي بمصطفى غريب قبل ما يتشهر، كانت من حوالي 5 أو 6 سنين، وكان بيعمل مشهد أو مشهدين حاجات بسيطة أوي».

واستكمل عمرو يوسف حديثه عن مصطفى غريب: «اتعرفت عليه أنا إزاي بقى؟ كان بيذاكر لي اللغة العربية، مصطفى غريب شاطر جدًا، وعلى فكرة أنا شاطر جدًا في العربي والنحو والصرف، بس هو أسطورة».

مصطفى غريب مدرسة في اللغة العربية

واختتم: «وأقوى من أي مدرسة عربي كمان في الإلقاء والأداء، الكلام ده يقعده في البيت ومش عايز يسمع الكلام ده دلوقتي، وكان معروف في الوسط الفني إن أنت لو محتاج درس في اللغة العربية، وكان فيه بيننا قعدات كتير جدًا للنصوص وتغيير الحرف وضبط الكلمات».