عمر كمال: عدت عليّ أيام قُلت مش هصحى من الحزن وكنت بنام بالمهدئات

كشف الفنان عمر كمال كواليس أصعب اللحظات والصدمات التي مر بها، ومواقف قاسية تعرض لها أدت إلى تناوله المهدئات.

قال عمر كمال في مقطع فيديو نشره عبر حسابه الرسمي بموقع انستجرام: «اللي قلبه حلو الناس في الأرض تحفر له وربك من فوق ينجيه».

تصريحات عمر كمال

وتابع: «أنا مش بقع علشان أنا ساند على ربنا، وعدت عليّ أيام قلت مش هصحى من الحزن، وأيام قولت أنا انتهيت كنت مضغوط بنام بالمهدئات وأقعد في العربية ساعة أفكر إزاي الناس دي عملت فيّ كده».

واختتم عمر كمال: «إزاي حصل منهم كدة، الناس دي كانوا عايزين يخلصوا علينا وكنت بقوله ليه اللي منك كان عايز يخلص منك»، ثم قدم أغنية عن الغدر والصعوبات التي واجهها.

عمر كمال

عمر كمال يرد على الانتقادات

وفي وقت سابق، رد المطرب عمر كمال على منتقديه الذين هاجموه بسبب إقامته الحفلات في ظل ما يحدث لفلسطين من عدوان من جيش الاحتلال الاسرائيلي، مشيرًا إلى أنه يحيي حفلات لأنها أكل عيشه.

قال عمر كمال عبر حسابه بموقع إنستجرام: «مساء الخير على كل حبايبي وإخواتي، أنا بنزل شغلي عادي وشغال الحمد لله، لأن ده أكل عيشي ولازم أنزل أفرح الناس ولازم ألتزم بأي اتفاق قلته للناس، وكمان علشان ورايا حوالي 40 فرد بـ 40 أسرة شغالين معايا فاتحين بيوت».

وتابع عمر كمال حديثه، وقال: «لكن أنا بتأسف لأي حد بيعملي منشن في الاستوري بتاعته الفترة دي مش هقدر أقبله مراعاة لمشاعر إخواتنا في فلسطين ولكل إنسان حاسس حالة حزن على اللي بيحصل، ربنا يسعدكم يا رب ويا رب أكون قدرت أسعدكم في مناسباتكم سواء فرح أو حفلة بس سامحوني الفترة دي».

عمر كمال

عمر كمال