«عمل معارضة وسافر عشان الشوشرة».. طليقة مسلم ترد على اتهامها بالكذب

حرصت ضحى عبده طليقة مؤدي المهرجانات مسلم للرد على الهجوم عليها بعد سفره للخارج، حيث اتهموها بالكذب والإدعاء.

قالت طليقة مسلم في فيديو نشرته على حسابه بموقع انستجرام: «أول إمبارح كنت طالعة لايف وإنتوا هاجمتوني وقولت لي إنتي كدابة وهو سافر».

وتابعت: «وأنا كنت موضحة إن طول ما الحكم موجود هو مش هيعرف يسافر.. لكن اللي حصل إنه عمل معارضة يوم 13/6 قبل التنفيذ، لأنه خاف من الشوشرة علشان كده سافر، وطليقي تواصل مع المحامي بتاعي إني هستلم نصف الفلوس في محكمة السويس».

واختتمت طليقة مسلم: «وهو عمل معارضة تاني يوم من الحكم بتاعي، والمحكمة استلمت نصف المبلغ، وأنا نازلة حالا استلمها، أنا حبيت بس أوضح لكم إني مش كدابة، وهو عمل معارضة فعلا تاني يوم، وأنا معايا تاريخ عمل المعارضة وتنفيذها».