فريدة سيف النصر تتذكر شقيقها بدر بكلمات مؤثرة

نشرت الفنانة فريدة سيف النصر رسالة حزينة عبر حسابها على «فيسبوك»، عبّرت فيها عن صدمتها بعد وفاة شقيقها بدر الشهر الماضي، مؤكدة أنها ما زالت غير قادرة على تجاوز الفقد.

وقالت فريدة: «يمكن محدش صاحي لسه النهارده الجمعة، بس أنا مش عارفة أنام.. على بعضه نص ساعة أو أقل وأقوم مش عارفة، لكن أنا مبقتش أنا بعد بدر ده حقيقي، أول مرة أحس بغدر السنين وخيانة القوة وتلاعب القدر وبطعنات من كل اتجاه داخل جسمك». وأضافت: «قمة الخيانة لما نفسك تصارع جسدك ومتلاقيش حد فيهم يقاوم إلا روحك المتمسكة بحبايبك وإرادتك إنك تبلغ رمضان، لكن لله حسابات أخرى».

وتطرقت فريدة لقرار الطبيب قائلة: «كنت هالوم الدكتور اللي شال أجهزة التنفس من غير ما ياخد رأي حد خاصة إنه بقى كويس، صح يا دكتور أحمد سالم، لكن ما يجيش منه، اللي راح راح وهو عند رب كريم». وختمت رسالتها بالدعاء لشقيقها: «كل جمعة وأنت زين رجال الجنة وشهيد… أنت ارتحت بس أنا حتى النوم مخاصمني، ولا حول ولا قوة إلا بالله».