فلوس الرقص مش حرام.. لوسي تثير الجدل بتصريحات جديدة

أثارت الفنانة لوسي الجدل بعد تصريحاتها حول تحريم نقود الرقص، مشيرة إلى أن هناك أشياء حلال وأشياء أخرى حرام.

لوسي تثير الجدل

وتحدثت النجمة لوسي حول تحريم الرقص الشرقي مشيرة إلى أن الحلال والحرام يندرج تحت الكثير من التصرفات.

قالت لوسي في تصريحات تلفزيونية: 'كل العوالم فيها كل حاجة في الحلال وفي الحرام مبنسألش بقى، الرقص متقدرش تقول حلال ولا حرام'.

وتابعت لوسي في حديثها، وقالت: 'دكتور أمراض النسا حلال ولا حرام؟ متقدرش تقول الجملة دي دي جملة مستفزة'.

تصريحات لوسي

واستكملت لوسي كلامها: 'بزعل لما حد يقول فلوس الرقص حلال وحرام، فأنا اعمل راقصة وأكسب أموال وادفع ضرائب، الحرام اللي هو الزنا والقتل والنصب والسرقة والاغتصاب، الحرام كتير جدا وبيبقى في الخفى لكن الحلال دايما في النور'.

وأضافت: 'الرقص مش في أوض النوم الرقص على المسارح والأفرح وأكبر الأماكن في أوروبا، أنا عندي شهادات إني أحسن سفير لبلدي في الأخلاق والفن والاحترام، لو دخلنا في حتة الحلال والحرام عايزالها برامج وناس مشرعين'.