فيفي عبده : «أنا هتجنن نفسي أعرف ليه الناس بتحبني الحب ده»

كشفت الفنانة فيفي عبده أسرار وكواليس عن أعمال سابقة لها، كما أثارت ضجة واسعة بتصريحاتها الأخيرة، عن سر حب الجمهور لها وتواجدها على مواقع التواصل الاجتماعي.

تصريحات فيفي عبده

قالت فيفي عبده : «سر حب الناس ليا هو التجارة مع الله، وده حب من الله وحب أمي وأبويا وأنا طول عمري تحت جزمتهم، وكل الناس بتحبني حتى الأطفال، وعندي حفيدي سنتين ونص مش بيقول غير عاوز فيفي عبده ويمسك الصورة ويبوسها».

استكملت فيفي عبده في تصريحات تلفزيونية لها: «أنا هتجنن نفسي أعرف ليه بيحبوني الحب ده؟ أي بيت متفق على حب فيفي عبده، وسعادتي لا توصف وأنا بشوف الأطفال جايين يجروا عليا وعاملين علامة الـ 5».

وفيما يخص سر كلمة فيفي عبده الشهيرة، علقت قائلة: «موضوع خمسة مواه، بدأ في سناب شات، أنا أول واحدة دخلته مصر كان وقتها فيسبوك لسة بيقول يا هادي».

فيفي عبده على سناب شات

قالت فيفي عبده عن سناب شات: «كان عندي نسب مشاهدات عالية جدًا، وكنت بحاول أدخل العالم العربي مع مصر وكنت أونلاين كل يوم وبوريهم أنا بعمل إيه في يومي، ونشوني عين وقعدت عيانة لمدة 3 سنين والحمد لله ربنا نجاني منها».

علقت أيضًا على فاعليات موسم الرياض، قائلة: «أنا بسمع عن موسم الرياض، ومكنتش متخيلة إن المستشار تركي آل الشيخ عامل الحاجات اللي موجودة، أنا تمنيت إن العالم كله يجي يشوف الرياض، وأنا بحب الشعب السعودي».

أضافت: «وأتمنى إني أعمل مسرحية في موسم الرياض، والجمهور مجرد ما بيسمع صوتي بيعرفني لأن صوتي مميز، وعندي أعمال كتير جدًا بقرأها وبحضرها علشان رمضان، وهعمل منصات ودي أول مرة أعمل حاجة على منصة لرمضان».

فيفي عبده

بنات فيفي عبده

استطردت قائلة: «وببقى هلكانة في رمضان ولكن بيبقى كويس ورمضان اللي فات كان كويس الحمد لله واتبسطت بالشغل مع شيرين رضا في مسلسل شغل في العالي، وكانت تجربة جميلة جدًا كلها شباب وأنا معاهم».

بنات فيفي عبده، تحدثت عنهم أيضًا وقالت: «بنتي خريجة جامعة أمريكية ومتعرفش عربي أوي، وكنت جايبة ليها مُدرس عربي عشان لازم تعرف دينها، ولكن مكانتش عارفة تكتب خمسة مواه، ومن هنا جت علامة إيدي خمسة مواه، والناس بتفكر إني بخمس في وشهم».

شريفة ماهر تكشف سبب غضب فيفي عبده ونادية الجندي من تصريحاتها.. فيديو

من الذاكرة.. فيفي عبده: ربنا بيبارك في القرش علشان بنتعب في شغلنا