كارول سماحة: زوجي الراحل دلوقتي ملاك بيحضني وأنا على المسرح

تحدثت الفنانة كارول سماحة بعد أيام من وفاة زوجها المنتج ورجل الأعمال وليد مصطفى، عن شعورها وهي تستعد لتقديم مسرحية "كلو مسموح" في لبنان وسط هذه الظروف الصعبة.

وقالت كارول سماحة في تصريحات تلفزيونية: "المشاعر متلخبطة، بس أنا مركزة على إحساس إن وليد دلوقتي بقى ملاك بيحضني وبيحاوطني وأنا على المسرح، روحه معايا في كل خطوة".

وأضافت كارول: "آخر حاجة قالهالي كانت وصية: مهما حصل بعد العملية كملي المسرحية، كان عارف شغفي بالمسرح، إحنا كفنانين بنلبس الوجع ونطلع نغني ونحول الطاقة السلبية لطاقة إيجابية، ودي ضريبة المهنة".

وفاة وليد مصطفى شكلت صدمة كبيرة، وودعته كارول بكلمات مؤثرة على السوشيال ميديا قالت فيها: "خسرت جسدك بس روحك هتفضل قدوة ليا.. لحد ما نتقابل من غير وجع ولا فراق".