كانت بتحضر لفرحها.. أهل مروة عروس المعادي يكشفون كواليس العثور على جثمانها

كشفت نور الخطيب، ابنة خالة مروة عروس المعادي التي توفيت غرقا وتم العثور على جثمانها في القناطر بعد 8 أيام من الغرق، تفاصيل العثور على الجثمان.

وقالت خلال برنامج تفاصيل على قناة صدى البلد 2 تقديم الإعلامية نهال طايل: اللي شاف مروة في الموقف دا وهي بتغرق، طفلين سودانيين، 8 سنين و11 سنين، كانوا موجودين في المكان، كانوا بيأكلوا وحدهم، نطوا هم كمان عشان ينقذوها هي والست اللي كانت بتحاول تنقذها بس ما عرفوش.

وأضافت نور الخطيب: دورنا على غطاسين وشارك معانا كابتن هشام وكابتن دولر وكابتن محمد المصري وقعدوا يدوروا عليها، بس فعلًا ملقوش حاجة.

ونوهت قائلة: كابتن محمد المصري قال هي مش موجودة في المكان اللي وقعت فيه عند مرسى 4 المعادي، وتوقعوا أنها تكون مشيت ناحية القناطر.. لكن فيه صياد شافها وبلغ ووالدها وأخوها راحوا اتعرفوا عليها.

وعن آخر أيامها، اختتمت قائلة: كانت مبسوطة وبتحضر لفرحها اللبس والفستان والمعازيم، ويوميا بتشغل أغاني وصوت،  زغاريد، ولكن قدر الله وما شاء فعل.