كزبرة: عندي صراع مع نفسي ومش راضي عن اللي بعمله

تحدث الفنان أحمد بحر الشهير بـ كزبرة عن نقاط الشبه بين شخصيته الحقيقية والشخصية التي قدمها في فيلمه الجديد «محمود التاني».

قال كزبرة عبر تصريحات تلفزيونية، إن شخصية محمود تشبهه في فكرة الشاب والمواطن البسيط.

وتابع: «وطول الوقت هو مستني فرصة واحدة لأنه عارف إن مفيش فرص كتيرة هتجيله، والفرصة دي لما بتجيله خلاص مش هتيجي تاني، وعشان كده بيعمل أي حاجة عشان يستغلها صح».

واستكمل كزبرة: «أنا مش بعرف أتكلم عن نفسي، وأقول قد إيه بتعب وبحب المهنة دي، وعندي صراع مع نفسي إني مش عايز أثبت حاجة للناس، لكن عايز أثبت لنفسي وطول الوقت حاسس إني مش راضي عن اللي أنا بعمله أو معملتش اللي عليا».

واختتم: «عشان كده بشتغل أكتر، وبحب المهنة دي بجد وبشتغل بكل ما عندي وكل طاقتي فيها، ومع الوقت الناس هتبتدي تفهم قد إيه أنا شخص بتعب، والوقت هيثبت وإن شاء الله خير».