كسر في الحوض.. مي الغيطي تكشف تفاصيل تعرضها لحادث مؤلم في تايلاند

كشفت الفنانة مي الغيطي عن تعرضها لحادث خطير خلال رحلتها إلى تايلاند قبل عدة أشهر، الأمر الذي أدى إلى اختفائها عن الأضواء لفترة طويلة بسبب إصابات بالغة.

وشاركت مي الغيطي متابعيها عبر حسابها على Instagram تفاصيل التجربة القاسية، موضحة أنها تعرضت لحادث تصادم قوي مع شاحنة أثناء وجودها في إحدى السيارات، مما أسفر عن كسر في الحوض، وإصابة في العمود الفقري، نزيف داخلي، وتلف في أعصاب الساق.

وأوضحت مي الغيطي، قائلة: «في ناس كثيرة بتسألني أنا كنت مختفيه ليه .. من ٧ شهور كنت في حادثة حصلت في تايلاند، اتخبطت بعربية نقل في العربيه اللي كنت فيها، و اتصبت إصابات بالغة. حصلي كسر في حوضي، و إصابة في العمود الفقري، وكان عندي إصابات داخلية و نزيف داخلي وتلف في الأعصاب في رجلي، قعدت في المستشفى أسابيع في تايلاند و رجعت مصر علشان أكون مع أهلي وأتعالج وسط دعمهم».

 

عرض هذا المنشور على Instagram

 

‏‎تمت مشاركة منشور بواسطة ‏‎May Elghety‎‏ (@‏‎mayelghety‎‏)‎‏

وتابعت مي الغيطي، قائلة: «مكنتش حابة أشارك اللي حصل وقتها، كنت محتاجة وقت أتعافى بعيد عن أي ضغط، بعد علاج طبيعي فترة و كل شوية نكتشف حاجة جديدة انا دلوقتي احسن بكتير جدا الحمدلله و دي حاجة محدش كان متخيلها بعد فتره نسبياً قليلة».

وأضافت مي الغيطي، قائلة: «حاسة إني كنت عايزة أشارك ده دلوقتي عشان اقول ان الجسم عنده قدرة رهيبة على الشفاء.. أقوى بكتير مما نتخيل و ان التعافي بياخد وقت، بس بييجي. لو إنت بتمر بوقت صعب، ارجوك كون صبور مع نفسك عشان عدم فقدانك إيمانك انك هتكون احسن بجد بيفرق في قدرتنا على تحمل الصعاب».