كلمات أغنية كدابة لـ حسام حبيب

يسأل الجمهور عن كلمات أغنية كدابة للفنان حسام حبيب، الذي طرحها خلال الأيام الماضية وأثارت الجدل الكبير، وتصدرت مؤشرات البحث.

كلمات أغنية كدابة

مليانة عيوب طبعك قلابة

بتعيشي في دور إنك متسابة

استاذة في التمثيل

واخدة شهادة وتوكيل

بتخبي وشوشك وبتتداري في وش غلابة

نساية

ناكرة الايام الحلوة معايا

مش بنت أصول ولا فيكي مزايا

شخصياتك انواع

هايلة في فن الاوجاع

وخلصت انا منك اه خرجتك من جوايا

وانا متبرعلك باللي ما بينا تعيشي عليه

شوفي يالا طريقك وامشي لوحدك كملي فيه

قلبي المكسور انا هعرف اعالج نفسي اداويه

ولو اللي ما بينا في يوم جه في دماغك انسيه

شكاية

وكلامك كله كإنه رواية

بتقلفي طبعا ألف حكاية

وبتعملي فيها ملاك

بتقولي مظلومة معاك

طب يالا يا مظلومة اتفضلي هرميكي ورايا

قويتك

وتعبت عشانك واستنيتك ودي غلطة عمري اني انا حبيتك

اصل انتي متتأمنيش

انسانه مابتحسيش

وانا اللي غلطت عشان شوفتك تحت وعليتك

وانا متبرعلك باللي ما بينا تعيشي عليه

شوفي يالا طريقك وامشي لوحدك كملي فيه

قلبي المكسور انا هعرف اعالج نفسي اداويه

ولو اللي ما بينا في يوم جه في دماغك انسيه

شكاية

وكلامك كله كإنه رواية

بتقلفي طبعا ألف حكاية

وبتعملي فيها ملاك

بتقولي مظلومة معاك

طب يالا يا مظلومة اتفضلي هرميكي ورايا

حقيقة سرقة أغنية كدابة

جدير بالذكر أن الفنان حسام حبيب تسبب في ضجة واسعة وجدلًا كبيرًا بعد أن طرح أغنية كدابة، بعد غياب فترة طويلة عن الساحة الغنائية، حيث واجه عدة تساؤلات بشأن علاقة الأغنية بطليقته الفنانة شيرين عبد الوهاب، وبجانب ذلك يواجه اتهامات بالسرقة.

تعرضت أغنية كدابة للفنان حسام حبيب لاتهامات بسرقة اللحن من أغنية مطرب صاعد يدعى محمود عز، ومن جانبه، خرج الملحن والموزع إسلام رفعت عن صمته وكشف حقيقة الأمر.

نشر إسلام رفعت ملحن الأغنية، فيديوهات يثبت بها أنه صاحب اللحن الأصلي، موضحًا أنه تم سرقة موسيقاه، من خلال منشور عبر حسابه الرسمي بموقع فيس بوك، كتب به: «أنا مكنتش هرد.. بس مضطر أرد لأن اللي بيحصل ده قلة أدب وتطاول».

وتابع ملحن أغنية كدابة لـ حسام حبيب: «لسه جايلي تليفون دلوقتي من صديق ليا بيقول إني في حد كاتب بوست إني واخد لحن أغنية حسام حبيب من أغنية لمغني أنا أعرفه معرفة شخصية واشتغلت معاه بالفعل وعلاقتي بيه أنه مغني، وأنا ملحن وموزع يعني واضح مين اللي بيسمع من التاني».

سرقة أغنية كدابة

حسام حبيب أغنية كدابة

واستكمل: «أولا مستحيل مستحيل مستحيل أنا اللي بقول إنه يكون توارد أفكار أو خواطر أو نغمات، أنا مسروق بالمللي وبالهارموني حتى، هو برافو عليه محاولة حلوة منه إنه ينط على بروباجندا حسام حبيب ويحاول نجيب سيرته ويمكن تصيب معاه».

وأضاف الملحن إسلام رفعت: «بس أنا هخليها تصيب معاه إنه يتشهر بأنه غير أمين ومعندوش ضمير نهائي.. كل الناس عارفيني كويس وعارفين شخصيتي إني عمري ما أعمل حاجة 'بالخسة دي' أو بالسذاجة دي!!.. إني أخد حاجة إبداعية في أكتر حاجه بحبها و هي الموسيقي من حد أو اقتبس جملة من هنا أو من هنا والحمدلله أعمالي كلها بتتكلم عني».

وكتب ملحن أغنية كدابة لحسام حبيب أيضًا: «الأغنية دي الشاعر عمرو المصري بعتلي كلامها من شهر مايو 2023 اللي فات تقريبا وأنا لحنت الكلام وعملت شكل ليها وبعتناها لأكتر من مطرب من ضمنهم حسام وبالفعل كانت من نصيبه والأغنية جاهزة من فترة كبيرة جدا و لكن حسام اللي كان بيأخر.. و مرفق في البوست فيديو أنا مصورة بإيدي من الكمبيوتر بتاعي متوثق فية تاريخ الأغنية وصوتي في الديمو».

واختتم: «الموزع شفيق كاتب إن أغنيتهم نازلة يوم 18/1 وحسام حبيب منزل خبر أغنية كدابة من يوم 8/1 تقريبًا.. فاللي هو إزاي يعني!! وأي حد يقدر يعمل سيرش علي جوجل ويتأكد من صحة كلامي.. آخر حاجة عايز أقولها إني معايا كل ما يثبت إن اللحن بتاعي من مستندات وإني هتخذ كل الإجراءات القانونية مع أي حد جاب سيرتي أو اتكلم عليا بشكل مسيء و حاول ينط وعايز يتشهر».

حسام حبيب وشيرين عبد الوهاب

كما أثارت أغنية كدابة واسمها تساؤلات الجمهور، هل يقصد بها حسام حبيب طليقته شيرين عبد الوهاب؟.

تعاون حسام حبيب في أغنية «كدابة» مع الشاعر عمرو المصري، إسلام رفعت، توزيع أمين نبيل.

وبعد طرح أغنية «كدابة»، أشاد الكثير بعودته للغناء مجددًا بعد خلافاته السابقة مع طليقته الفنانة شيرين عبد الوهاب، بينما تسائل البعض الآخر: هل يقصد شيرين عبد الوهاب بكلمات الأغنية؟»، خاصًة وأن كلمات الأغنية تتضمن تلميحات حول خلافاتهما التي أثارتها في وسائل الإعلام مؤخرًا.