كلمات مؤثرة من ابنة ضحية حادث الإسماعيلية: اداني فلوس الصبح.. وكان عايزني أحول من الكلية

كشفت قمر مصطفى الصعيدي ابنة أحد ضحايا حادث الإسماعيلية، تفاصيل واقعة حادث الإسماعيلية، واللحظات الأولى من معرفة خبر وفاة والدها. (تفاصيل الحادث واللحظات الأولى لمعرفة خبر وفاة والدها

وقالت قمر، خلال مداخلة هاتفية مع الإعلامية نهال طايع ببرنامج تفاصيل المذاع على قناة صدى البلد 2: كنت في الإسماعيلية بنقل من كلية لكلية أخرى، وجالي مكالمات كتير عايزين رقم بابا.. ولما سألوني أنتي فين قولت لهم أنا في الإسماعيلية.

وتابعت: مفيش حد عرفني إن فيه حاجة، وأول ما ادتهم رقم بابا.. وفيه واحدة قالتلي أبوكي شغال في عربية والعربية عملت حادثة، بابا كان رايح الشغل.

وذكرت: بابا عامل وكان رايح شغله، أنا اتجننت .. أبويا كان مديني فلوس عشان أحول من كلية لكلية تانية .. أنا كنت في كلية آثار وهو كان شايف إنها مش مناسبة ليا، هو كان حابب كلية تربية.

وتابعت: عايزني أبقى حاجة كويسة، أنا مخلصة سنة أولى ومكنتش بروح الكلية، وأنا ليا أخ وأخت.. نورهان في دراسات إسلامية، ومحمد داخل تانية دبلوم.

وذكرت: ماما كلمتني قالتلي تعالى بسرعة بابا عمل حادثة، بابا كان بيروح الشغل الساعة 5 الفجر يرجع الساعة 2، هو شغال في الجبل.

https://www.youtube.com/watch?v=rhpyraWRXlY