لاعب المصارعة زياد أبو جبل يكشف سبب هروبه: «سامحوني باخد 700 جنيه في الشهر»

كشف زياد أبو جبل، لاعب منتخب مصر للمصارعة الحرة، عن أسباب التي دفعته للهروب من بعثة منتخب مصر في سلوفاكيا، نافيًا في الوقت ذاته مسألة تجنيسه لتمثيل دولة أخرى.

وقال زياد أبو جبل، خلال منشور عبر حسابه على موقع التواصل الاجتماعي فيسبوك، «أنا اللاعب الدولي زياد حجاج أبو جبل لاعب منتخب مصر للمصارعه الحرة.. أنا عايز أقول لأبويا وأمي ما تزعلوش مني أنا عملت كده علشان أبقى في نظر نفسي راجل.. مش هرجع مصر بلدي الحبيبه إلا وأنا مشرفها».

وأردف قائلًا: «سامحوني أنا تعبت كتير وتعبت أبويا قوي معايا.. أنا كلفته كتير وهو معاه سبع أخوات غيري وما كنش ينفع غير إني ارجع مصر ومعايا المدالية.. وإن شاء الله هيحصل حبيت أطمنكم عليا إن شاء الله راجع لمصر وأنا بطل ومشرفها.. بالله عليك يا حاج تسامحني وتدعيلي».

وتابع قائلًا: «وأنا حبيت أقول لكل اللي ظلمني وظلم أبويا وأخواتي.. أنا سفروني لوحدي من مطار القاهرة إلى سلوفاكيا وما حدش معايا من البعثة وما كانش في دماغي حاجه واتصلت بيهم وروحت على البطوله ولعبت وأنا كنت مصاب في الضلع اليمين وأصريت ألعب علشان أحقق حلمي وأجيب ميدالية لمصر».

ومضى يقول: «أنا كل اللي باخده في الشهر 700 جنيه.. وأنا لاعب دولي هيعملوا أيه ولا أيه ولكن أنا المسئول عن القرار ده بعد الضغوط دي كلها ما كنش ينفع أرجع تاني.. أنا اتولدت مصارع وهعيش مصارع رفعت علم مصر وهيفضل مرفوع اإن شاء الله سامحوني».