لبنى ونس: عمري ما حبيت الفن ودخلت التمثيل بالصدفة.. والشر بيريحني نفسيا

تحدثت الفنانة لبنى ونس عن كواليس دخولها عالم التمثيل، موضحة أنها لم تخطط للعمل في الفن من الأساس، وأن الأمر جاء بالصدفة.

قالت لبنى ونس عبر تصريحات إذاعية: «أنا عمري ما حبيت الفن، ومكنتش بحلم أبقى ممثلة، لكن كنا متربيين على الأفلام والمسلسلات القديمة كجيل».

بدايات لبنى ونس

وتابعت: «مكنتش بفكر في التمثيل خالص، لغاية ما دخلت كلية فنون جميلة وكان فيه إعلان للي عايز يشترك في أتيليه المسرح، فروحت مع صديقة ليا، والصدفة إنهم اختاروني أنا وقلت للمخرج أنا مش عايزة أمثل عشان صعب أقنع أهلي، لكنه قال لي جربي، وكان بيدربني في الوقت الفاضي اللي بين المحاضرات، وعملت مسرحية وأخدت المركز الأول على مستوى جامعات مصر».

موقف لبنى ونس من أدوار الشر

واختتمت: «من كتر ما اترشحت في أدوار الطيبة لأن الناس بتقول لي إني شاطرة فيها، بقى نفسي في أدوار الشر، لأن الممثل الشاطر يعمل أي دور، وموضوع الشر ده بيريحني نفسيًا لأنه بيطلع طاقة سلبية».