ماجد الكدواني: كريم عبد العزيز لو قلع الجزمة وضربني هسامحه

تحدث النجم ماجد الكدواني عن علاقة الصداقة القوية التي تجمعه بالنجم كريم عبد العزيز والتي كانت بدايتها منذ 24 عامًا.

ماجد الكدواني وكريم عبد العزيز

قال ماجد الكدواني في تصريحات تلفزيونية: 'صداقتنا عمرها 24 سنة من سنة 2000 والحمد لله مفيش بينا مشاكل'.

وأضاف الكداوني: 'ربنا يديمها نعمة ويبعد عننا العين إنسان جميل وصافي، إحنا شفنا وعدينا بتجارب وظروف كتير'.

ماجد الكدواني وكريم عبد العزيز

تصريحات ماجد الكدواني

واستكمل ماجد الكدواني: 'كريم عبد العزيز لو في يوم اتنرفز وزعل وقلع الجزمة وضربني بيها هسامحه، يعلم ربنا أنا لو عمل فيا إيه لا يمكن أزعل إلا ده، احنا بنحب بعض بجد بنغلط ونتعاتب ونتصالح ومحدش يبقى ماسك على حد حاجة، احنا أصحاب برا المهنة بنتكلم عن الحياة'.

وتابع: 'اللي بيعجبني في كريم الأمانة والمصداقية اللي من القلب للقلب، احنا لما بنقعد نتكلم مع بعض يقولي هي الناس بقت عامله كده ليه وليه شكلنا غريب قدام الناس هو ليه اتنين بيحبوا بعض يبقوا غريبين'.

ماجد الكدواني وكريم عبد العزيز

واختتم كلامه، وقال: 'في مرة اتكلمنا 8 ساعات، بنبقى محتاجين نتكلم مع بعض جعانين مصداقية، أكلم شخص من غير حساب أبقى قدامك صافي لا أنا ولا إنت هنمسك على بعض حاجة'.