ماندو العدل: كلام عمرو مصطفى عن عمرو دياب نابع من الإحساس بالظلم

علق المخرج ماندو العدل على المنافسة بين عمرو دياب وعمرو مصطفى، وتصريحات الأخير المثيرة للجدل عن الهضبة.

كتب ماندو العدل في منشور عبر حسابه الرسمي بموقع فيس بوك: «عمرو مصطفى ملحن كبير وكل تصريحاته الأخيرة وكلامه عن عمرو دياب نابع من فكرة عدم التقدير والإحساس بالظلم».

تعليق ماندو العدل على تصريحات عمرو مصطفى

وأضاف: «محدش ينكر أن عمرو دياب أسطورة وكان ناجح جدًا جدًا قبل ما يتعاون مع عمرو مصطفى.. لكن كمان عمرو مصطفي طول عمر عمرو دياب الفني وأضاف لعمرو دياب أغاني hits عاشت وهتعيش».

واستكمل المخرج محمد العدل الشهير بـ «ماندو العدل»: «أنا مش مع طريقة عمرو مصطفى أكيد لكن كمان مش عاجبني الناس اللي بتقلل منه وبتتعامل معاه على أنه ملحن عادي .. لا عمرو مصطفى مش عادي».

عمرو مصطفى وعمرو دياب

المنافسة بين عمرو مصطفى وعمرو دياب

واختتم: «وكم نجاحاته مع عمرو دياب وغيره مش عادي، الإنصاف مهم.. الاتنين استفادوا من بعض والاتنين فنانين كبار والتقدير مهم للفنان .. عشان كده أنا حاسس بيه».

ماندو العدل