ما هو مرض منة داغر زوجة حازم إيهاب ؟.. الإيد الشمال مش زي اليمين

ياسمين حمادة 09 مايو 2023 | 05:28 مساءً

تحدثت منة داغر زوجة الفنان حازم إيهاب عن المرض الذي أصيبت به منذ طفولتها، وهو خاص بحالة عصبية في الكتف والذراع تؤدي لضعف أو فقدان وظيفة العضلات.

مرض زوجة حازم إيهاب

قالت زوجة حازم إيهاب عبر فيديو نشرته بخاصية الستوري التابعة لصفحتها الرسمية بموقع انستجرام: «واحدة بعتالي مسج بتقولي، أنا عارفة إن أنتي عندك Erb's palsy.. بس كده».

وتابعت منة داغر: «أنا عندي مشكلة في دراعي الشمال، وأنا بتولد الدكتور شدني وهو بيولد والدتي من إيدي الشمال جامد، فحصلي مشكلة في العصب».

زوجة حازم إيهاب

تصريحات منة داغر زوجة حازم إيهاب

وأصافت: «عملتلي مشكلة كبيرة في إيدي الشمال، فمبقتش زى إيدي اليمين، ولا في الحركة ولا في الشكل ولا في أي حاجة.. على فكرة في ناس كتير جدًا عندها المشكلة دي، يمكن هي بس بتختلف من حد للتاني وبتختلف خطورتها».

وقالت منة داغر أيضًا: «في ناس ممكن متبقاش باينة أوي، تبقى حاجة بسيطة يعني ومش مأثرة على أيديهم أوي أو على حركتهم، وفي ناس تانية تبقى باينة جدًا، وواضحة ومأثرة على شكلهم، وعلى شكل أيديهم وحركتهم.. بس يعني حسيت فجأة كأني مخبية سر.. إيه المشكلة».

واختتمت زوجة حازم إيهاب قائلة: «تقبلوا الحاجات اللي عندكم يا جماعة، واتبسطوا وعادي، إيه المشكلة يعني؟.. عندى مشكلة فى إيدي الشمال وشكلها مش زى إيدي اليمين عادي، ربنا مدينا حاجات تانية حلوة وجميلة».

حازم إيهاب وزوجته